بنیادی صفحہ / دیگر سپورٹس نیوز / قومی اسمبلی کی بین الصوبائی رابطہ کی کمیٹی کی قائم کردہ سب کمیٹی کا اجلاس آج سردار شفقت حیات کے زیر صدارت منعقد ہوا

قومی اسمبلی کی بین الصوبائی رابطہ کی کمیٹی کی قائم کردہ سب کمیٹی کا اجلاس آج سردار شفقت حیات کے زیر صدارت منعقد ہوا

اسلام آباد(سپورٹس رپورٹر)قومی اسمبلی کی بین الصوبائی رابطہ کی کمیٹی کی قائم کردہ سب کمیٹی کا اجلاس آج ہو ا جس میں پاکستان سپورٹس بورڈ کے نئے ڈائریکٹر جنرل کی تعیناتی کیلئے طریقہ کار طے کر لیئے گئے ،سب کمیٹی اس حوالے سے اپنی سفارشات منظوری کیلئے مین کمیٹی کو بھجوائے گی۔آئی پی سی کی سب کمیٹی کا اجلاس سردار شفقت حیات خان کی زیر صدارت پاکستان سپورٹس بورڈ کے کمیٹی روم میں منعقد ہوا جس میں وفاقی وزیر ریاض حسین پیرزادہ،اراکین سب کمیٹی ڈاکٹر مہرین رزاق بھٹو اور سراج محمد خان کے علاوہ سیکرٹری آئی پی سی سید ابو احمدعاکف،ایڈیشنل سیکرٹریز ٹیپو مہابت خان،محمد اشرف ،ڈپٹی سیکرٹری فیاض الحق اور ڈی جی پی ایس بی ڈاکٹر اختر نواز گنجیرا نے شرکت کی۔سب کمیٹی کے اجلاس میں یہ طے پایا کہ پاکستان سپورٹس بورڈ کے ڈائریکٹر جنرل کی تعیناتی کیلئے اخبار میں اشتہار دیا جائیگا۔نئے ڈی جی کیلئے عمر کی حد 50سے62سال تجویز کی گئی ہے جبکہ مذکورہ عہدے کیلئے تعلیمی معیار سپورٹس منیجمنٹ یا فزیکل ایجوکیشن میں ماسٹرڈگری رکھا گیا ہے اور دو امتحانات میں اس نے فسٹ ڈویژ ن حاصل کر رکھی ہو جبکہ سپورٹس میں پی ایچ ڈی کے حامل امیدوار کو ترجیع دی جائیگی۔امیدوار کی ڈگری کو ہائر ایجوکیشن کمیشن سے تصدیق بھی کروایا جائیگا۔ اجلاس میں امیدوار کیلئے پانچ سالہ تجربہ کا حامل ہونا ضروری قرار دیا گیا ہے۔پاکستان سپورٹس بورڈ کے امیدوار بھی اس عہدے کیلئے درخواست دینے کے اہل ہونگے۔وزیر اعظم کی طرف سے قائم کردہ بورڈ تمام امیدواروں کے انٹرویوز کرکے اپنی سفارشات وزیر اعظم کو بھجوائیں گے اور وزیر اعظم نئے ڈی جی کے نام کی منظوری دینگے۔انٹرویو لینے والے بورڈ کے سربراہ وفاقی وزیر ہونگے جبکہ ممبران میں سیکرٹری آئی پی سی ،اسٹیبلشمنٹ ڈویژن اور وزیر اعظم سیکرٹریٹ کے ایڈیشنل سیکرٹریزکے علاوہ سپورٹس سے وابستہ دو شخصیات اس بورڈ میں شامل ہونگی۔اس موقع پر ریاض حسین پیرزادہ اور سردار شفقت حیات خان نے کہا کہ ہم پاکستان سپورٹس بورڈ کے نئے ڈائریکٹر جنرل کی تعیناتی میں شفافیت کے خواہاں ہیںاور اسی لیئے ہم نے اخبار میں اشتہار دینے کا فیصلہ کیا ہے تاکہ سپورٹس سے وابستہ افراد کی میرٹ پر سلیکشن ہو تاکہ کھیلوں کی ترقی کا عمل جاری رہے۔

تعارف: عارف محمود خان

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

x

Check Also

رائل شاکر امن سپورٹس فیسٹیول اختتام پذیر

(سپورٹس لائف رپورٹر)رائل شاکر امن سپورٹس فیسٹیول پروقار تقریب کے ساتھ اختتام پذیرہوگیا،دیر اپر میں ...

صوبائی دارالحکومت پشاور میں پہلاپست قامت سپورٹس فیسٹول شرروع ہوگیا

پشاور(سپورٹس لائف رپورٹر)صوبائی دارالحکومت پشاور میں پہلاپست قامت سپورٹس فیسٹول شرروع ہوگیا،اپنی نوعیت کے پہلے ...

آج بمورخہ 30 جون 2018 فیفا فٹبال ورلڈکپ کے نک اوٹ مرحلے کے میچ × عظمت

آج بمورخہ 30 جون 2018 فیفا فٹبال ورلڈکپ کا اہم مرحلہ شروع ہو رہا ہے ...

Majid Ali Chaudhry elected as President Punjab Badminton Association

Chairman, Wajid Ali Chaudhry, Secretary General, Tayyab Sohail and Khawaja Akhtar Abbas elected as Treasurer ...

کمراٹ سپورٹس فیسٹیول پروقار تقریب میں اختتام پذیر

(سپورٹس لائف رپورٹر) تین روزہ کمراٹ سپورٹس فیسٹیول کا انعقاد کیا گیا جس کی تقریب ...